Хүүхдийн дархлааг дэмжих 7 арга

Хүүхдийн төлөө мэдээлнэ уриатай Child.mn сайтаас уншигч та бүхэнд энэ удаад хүүхдийн дархлааг дэмжихтэй холбоотой зөвлөгөөг хүргэж байна.

ЗӨВЛӨМЖ:

1. Хүүхдэдээ өдөр таван удаа жимс, ногоо өгөхийг хичээгээрэй.

2. Сайн унтуул. Нярай хүүхэд хоногт 18 цаг, 3 хүртэл насны хүүхэд 12-13 цаг, 3-5 насны хүүхэд 10 орчим цаг унтах хэрэгтэй. Өдрийн цагаар унтахгүй бол хүүхдийг аль болох эрт унтуул.

3. Хүүхдийг эхийн сүүгээр хооллох. Эхийн сүү дархлаа дэмжигч тусгай бодисууд, цагаан эс агуулдаг. Хүүхдийн чихний үрэвсэл, харшил, хатгалгаа, суулгалт, менингит болон шээсний замын халдвараас хамгаална. Хүүхдийн уураг тархины чадамжийг сайжруулна. Ялангуяа төрөнгүүт амлуулсан ангир уураг аливаа өвчний эсрэг дархлааны бодисоор баялаг.

4. Дасгал хөдөлгөөн нь хүүхдийн дархлааны эсийн тоог нэмэгдүүлдэг. Гадуур хамт алхаж, дугуй унаж, бөмбөг, теннис тоглоорой.

5. Хүүхдийг ханиад болон бусад өвчнөөр өвчилбөл хэрэглэж байгаа шүдний сойзыг нь хаях хэрэгтэй шүү. Мөн гарыг нь тогтмол угаалга.

6. Хүүхэд томчуудыг бодвол хурдан амьсгалдаг тул дам тамхидалтад өртсөн үед илүү их хордоно. Тамхины утаанд 4000 орчим хор бий. Тамхинаас хол өсгөөрэй.

7. Эмчийн зөвлөгөөг үл тоож хэт их антибиотик өгөх хэрэггүй. Үүнээс бол антибиотикт тэсвэртэй болж, энгийн чихний үрэвсэл ч стандарт эмчилгээнд эдгэрэхгүй ужгирдаг байна.

Эх сурвалж: НҮБ-ын Хүүхдийн Сан, Бага насны хүүхдийн цогц хөгжлийг дэмжихэд эцэг эх, асран хамгаалагчдад туслах гарын авлага, Цуврал 3