Бүдүүн хэмээн бусдад дээрэлхүүлж байсан 10 настай хүүгийн амьдралыг өөрчилжээ

Их Британид амьдардаг 10 настай Жэкоб хүү бүдүүн гэдгээсээ болж дээрэлхүүлж, бусдад гадуурхагдаж, эцэс сүүлд нь өөрийн дурлаж хичээллэдэг хөл бөмбөгийн багаасаа гарсан байна. Хүүгийн эцэг эх нь яахаа мэдэхгүй болж, гэр бүлээрээ хүндхэн цаг үетэй тулгарчээ. Харин яг энэ үед хүү "BoxWave"-н санаачлагч Харри болон Жое нартай уулзсан байна. Тэд өмнө нь мэргэжлийн боксчид байсан бөгөөд хүүхдүүдэд зориулсан жин хасах, сэтгэл зүйн асуудлаа даван туулж, өөртөө итгэлтэй болох, зөв хооллох зэрэгт нь туслах зорилготой "BoxWave" төслийг санаачилж, хүүхдүүдийг үнэ төлбөргүй хамруулжээ.

Улмаар хүү тэдэнтэй хамт хоёр сарын турш бокс, гүйх, хүчний дасгал, ууланд авирах зэрэг төрөл бүрийн спортоор хичээллэжээ.

Мөн энэ хугацаандаа чихэр, шоколад, түргэн хоолноос татгалзаж, хэрхэн эрүүл зөв хооллох талаар ч мөн суралцсан байна. Ингээд хүү хоёр сарын хугацаанд 20 кг жин хасаж чадсан байна.

2050 он гэхэд Их Британид гурван хүүхэд тутмын нэг нь таргалж, эрүүл мэндийн хувьд эрсдэлтэй нөхцөл байдал үүснэ гэсэн судалгаа бий. Тиймээс боксын тамирчин байсан Харри болон Жое нар "BoxWave" санаачилгыг бий 10 настай Жэкоб шиг олон хүүхдэд туслах зорилго тавьжээ.

Эх сурвалж: https://www.boxwave.co.uk/