Хэвлэлийн эрх чөлөөний асуудлаар ИНБ-ууд мэдэгдэл гаргав

Хэвлэлийн эрх чөлөө, олон нийтийн мэдэх эрхтэй холбоотой асуудлаар Хил Хязгааргүй Сурвалжлагчид, Глоб Интернэшнл Төв, Хэвлэл Мэдээллийн Зөвлөл, Сэтгүүлзүйн Инновац Хөгжлийн үүр Төв гэсэн иргэний нийгмийн байгууллагууд хамтарсан мэдэгдэл гаргалаа.

Тэд төрийн байгууллагууд, эрх бүхий албан тушаалтнуудад хандан Үндсэн хууль болон олон улсын хүний эрхийн өмнө хүлээсэн үүргээ биелүүлж, дараах арга хэмжээг яаралтай авахыг уриалав. Хэвлэлийн эрх чөлөө нь зөвхөн сэтгүүлчдийн эрх бус, иргэн бүрийн мэдэх эрхийн үндсэн баталгаа мөн билээ.