Сонгинохайрхан дүүргийн хэмжээнд анх удаа физикийн кабинеттэй боллоо

СХД-ын 104-р сургуульд дүүргийн хэмжээнд анх удаа стандартын шаардлага хангасан физикийн кабинет шинээр байгуулж, ашиглалтад орууллаа.

Тус кабинeтыг дүүргийн Засаг даргын Тамгын газар, Дэлхийн зөн олон улсын байгууллага, Newcom Group, Clean Energy хамтран байгуулжээ.

2026 оны хавар 104-р сургуульд физикийн кабинет байгуулах талаар талууд санамж бичиг байгуулсан бөгөөд ийнхүү төсөл хэрэгжиж, сурагчид зориулалтын сургалтын хэрэглэгдэхүүн бүхий кабинетаар хичээллэх боломжтой болж байна.

Шинэ кабинет ашиглалтад орсноор тус сургуулийн 2622 суралцагч физикийн хичээлийг онол, практикийг хослуулан судлах, сэргээгдэх эрчим хүчний ач холбогдлыг ойлгох, туршилт хийх нөхцөл бүрдэх юм.

Мөн хүүхдийн суралцах орчныг сайжруулж, цаашид инженер, техникийн чиглэлээр мэргэшсэн боловсон хүчин бэлтгэхэд дэмжлэг болох ач холбогдолтой аж.