Баруун бүсийн хурдан морины уралдаанд оролцох хүүхдийг 22, 23-нд бүртгэнэ

2026 оны хурдан морины баруун бүсийн уралдаан 7 дугаар сарын 24-нөөс 26-ны хооронд болно. Үүнтэй холбоотойгоор уралдах морь болон хүүхдийг энэ сарын 22-ноос 23-ны хооронд бүртгэнэ.

Бүртгэлийг Завхан аймгийн Хүүхэд, гэр бүлийн хөгжил, хамгааллын газрын бага зааланд 09:00-21:00 цагийн хооронд хийнэ.

Уралдаанч хүүхдийг бүртгүүлэхдээ:

• Хүүхдийн төрсний гэрчилгээ

• Хүүхдийн эцэг эх, асран хамгаалагчтай хийсэн уралдаанч хүүхдийн аюулгүй байдлын гэрээ

• Гэнэтийн ослын даатгалд хамрагдсан гэрчилгээ

• Уяач болон уралдаанч хүүхэд өөрийн биеэр ирэх

• Эцэг, эх асран хамгаалагчийн зөвшөөрсөн бичиг. Нотариатаар заавал баталгаажуулсан байх

• Эцэг эх, асран хамгаалагчийн иргэний үнэмлэхийн хуулбар

• Эрүүл мэндийн үзлэгийн хуудас, тодорхойлолт

• Стандартын шаардлага хангасан иж бүрэн хувцастай байх. Хөл нүцгэн болон шагай ил гарсан гуталтай уралдуулахгүй.

Жич:

• Бичиг баримт дутуу эсвэл хүүхэд найман нас хүрээгүй бол бүртгэхгүй.

• Шүгэл, богино долгионы станц, урт ташуур, сур зэргийг хориглоно.

• 7 дугаар сарын 24, 25-нд морь болон уралдаанч хүүхдийг бүртгэхгүй.