186-р тусгай цэцэрлэгийн бүртгэл 8-р сарын 14, 15-нд болно

Сүхбаатар дүүрэгт үйл ажиллагаа явуулдаг 186-р цэцэрлэг нь хараа, сонсгол, оюун ухааны хомсдол, аутизмын хүрээний эмгэг, даун синдром, хэл яриа зэрэг хөгжлийн ялгаатай хэрэгцээт хүүхдүүдэд хөгжлийн цогц дэмжлэг үзүүлдэг.

Тус цэцэрлэгийн 2025-2026 оны хичээлийн шинэ жилийн бүртгэл хоёр үе шаттай явна хэмээн мэдээлжээ.

2025 оны 8-р сарын 14-нд 09:00-17:00 цаг - Зөвхөн аутизмын хүрээний эмгэгтэй хүүхдийн бүртгэл

2025 оны 8-р сарын 15-нд 09:00-17:00 цаг - Хараа, сонсгол, оюуны бэрхшээлтэй хүүхдийн бүртгэл

Хүүхдээ бүртгүүлэхээр эцэг, эх, асран хамгаалагч нь биечлэн ирэх хэрэгтэй бөгөөд хүүхдийг зөвлөх эмчийн үзлэгт хамруулах юм.

Бүрдүүлж ирэх бичиг баримт:

• Хүүхдийн төрсний гэрчилгээ эх хувь ба хуулбар

• Эцэг, эх, асран хамгаалагчийн иргэний үнэмлэхийн эх хувь ба хуулбар

• Хүүхдийн цээж зураг 4 хувь, сүүлийн саруудад авхуулсан байх

• Хүүхдийн эрүүл мэндийн дэвтэр буюу карт

• Бусад: хүүхэдтэй холбоотой үзлэг, салбар комиссын тодорхойлолт, шинжилгээ, зураг гэх мэт.

Бүртгэлтэй холбоотой нэмэлт мэдээллийг 86091847, 99777476 утсаар лавлаарай.